SBI Service Alert: एसबीआय (SBI) खातेधारकांसाठी महत्त्वाचा अलर्ट!
स्टेट बँक ऑफ इंडिया (SBI) आपल्या कोट्यवधी ग्राहकांना एक अत्यंत महत्त्वाची सुविधा कायमस्वरूपी बंद करत आहे. जर तुमचे SBI मध्ये खाते असेल, तर १ डिसेंबर २०२५ पासून होणाऱ्या या बदलाची नोंद घेणे आवश्यक आहे.
SBI ची ‘mCASH’ सेवा बंद
SBI ने आपल्या ग्राहकांसाठी सुरू केलेली ‘mCASH’ ही सुविधा १ डिसेंबर २०२५ पासून वापरता येणार नाही. बँकेने स्पष्ट केले आहे की ३० नोव्हेंबर २०२५ नंतर mCASH द्वारे पैसे पाठवणे किंवा ते क्लेम करणे ही सुविधा OnlineSBI आणि YONO Lite या प्लॅटफॉर्मवर उपलब्ध राहणार नाही.
mCASH सेवा काय होती?
mCASH सेवा ग्राहकांना जलद आणि सोप्या पद्धतीने पेमेंट करण्याची सुविधा देत होती. हे फीचर विशेषतः लहान आणि तातडीचे पेमेंट करण्यासाठी उपयुक्त होते, कारण या फीचरद्वारे फक्त मोबाइल नंबर किंवा ईमेल आयडी वापरून देखील आर्थिक व्यवहार पूर्ण करता येत होता.
सेवा बंद करण्याचे कारण
SBI ने ही mCASH सेवा बंद करण्याची घोषणा केली आहे, कारण हे फीचर जुने तंत्रज्ञान वापरून तयार केलेले होते. बँक आता डिजिटल व्यवहार अधिक सुरक्षित, जलद आणि विश्वसनीय बनवण्यासाठी UPI, IMPS, NEFT, आणि RTGS सारख्या अधिक आधुनिक आणि सुरक्षित पेमेंट पर्यायांना प्राधान्य देत आहे.
१ डिसेंबरनंतर पैसे कसे ट्रान्सफर करायचे?
mCASH बंद झाल्यानंतर ग्राहक खालील आधुनिक डिजिटल माध्यमांचा वापर करून पैसे पाठवू शकतात:
- UPI (युनिफाइड पेमेंट्स इंटरफेस)
- IMPS (इमिजिएट पेमेंट सर्व्हिस)
- NEFT
- RTGS
ग्राहक BHIM SBI Pay ॲपमध्ये लॉगिन करून VPA, अकाउंट-IFSC किंवा QR कोड यापैकी कोणताही पर्याय निवडून तुमचा UPI पिन टाकून त्वरित पेमेंट पूर्ण करू शकतात.